ލަންދޫގެ ފުޓްބޯޅާ ޓީމުގައި މިވަގުތު ކުޅެމުންދާ ކުޅުންތެރިންގެ ތެރެއިން އެން މެ ސްޓައިލްގައި ބޮޅުންޖަހާ ކުޅުންތެރިޔަކީ ފުޓްބޯޅަ ދަނޑުގައި މެސީ އަދި ޑްރަގްބާގެ ނަމުން މަޝްހޫރުވާން ބޭނުންވާ މުހައްމަދު އިރުޝާދު (ރެޑޭ) އެވެ. ރެޑޭ އެންމެ ބޮޑަށް ފުޓްބޯޅައިގައި ވިދާލީ ވެލިދޫގައި ބޭއްވި އަތޮޅު ފުޓްބޯޅަ މުބާރާތުގައެވެ.
އޭރު ލަންދޫ ޓީމުގެ މާކަރެއްގެ މަޤާމަށް ކުޅުނު ރެޑޭ މިހާރު ކުޅެނީ ސެންޓަރ ފޯވާޑަކަށެވެ. ނަމަވެސް ލަންޫޓީމުގެ ފުރަތަމަ 11 އިން ރެޑޭއަށް ފުރުޞަތު ލިބެމުން ދަނީ ވަރަށް މަދުންނެވެ. ސަބަބަކީ މިހާރު ލަންދޫގައި ފޯވާޑަށް ކުޅެމުންދާ ކުޅުންތެރިންނަށްވުރެން ރެޑޭގެ ޕާފޯމޭންސް ދައްކަމެވެ.
ދާދިފަހުން ރައްޓެހިކުދިންގެ ތެރޭގައި ދެކެވެމުންދިޔަ ވާހަކަ ތަކެއްގެ ތެރޭގައި ރެޑޭ ބުނެފައިވަނީ އަދިވެސް ލަންދޫގެ ފުޓްބޯޅަ ޓީމުގެ ފުރަތަމަ 11 ން އޭނާ ޖާގަ ހޯދާނެކަމަށެވެ. އަދި އޭނާގެ މަޤުޞަދަކީ މިހާރު ލަންދޫގެ ޑިފެންސްލައިނަށް ކުޅެމުންދާ ކުޅުންތެރިންގެ ލިސްޓުން ޖާގަހޯދުމެވެ. އެގޮތުން ކުރިޔަށް އޮތް ފަރިތަކުރުންތަކުގައި ރެޑޭ ކުޅޭނީ މާކަރަކަށްކަމަށްވެސް އޭނާ ވަނީ ބުނެފައެވެ. އަދި ހަމައެހެސސންމެ ދެން އެންމެ އަވަހަކަށް ކުޅޭ މެޗުގައި ޑިފެންސް ލައިންއިން ރެޑޭ ފެނިގެން ދާނެކަމަށް އޭނާ ވަރަށް ޔަޤީންކަމާއި އެކު ވަނީ ބުނެފައެވެ.
އާމަގު ޓީކޭގެ ފަރާތުން ރެޑޭ ގެ މަޤުޞަދު ހާސިލްވުމަށް އެދެމެވެ.