އިއްޔެ ލަންދޫގެ ރަސްމީ ފުޓްބޯޅަ ދަނޑުގައި މިއަތޮޅުގެ ފުޓްބޯޅައިގެ ބޮޑު ބާރުކަމުގައި ބެލެވޭ މިލަދޫ ފުޓްބޯޅާ ޓީމާއި ދެކޮޅަށް ކުޅެވުނު އެކުވެރިކަމުގެ ފުޓްބޯޅަ މެޗު 6-0 ގެ ތަފާތު ބޮޑު ނަތީޖާއަކުން ލަންދޫގެ ފުޓްބޯޅަ ޓީމް މޮޅުވެއްޖެއެވެ.
މެޗުން މޮޅުވުމަށްފަހު ލަންދޫ ޓީމުގެ ކުޅުންތެރިން ބުނެފައިވަނީ ޓީމު ފޯމޭޝަންނަށް ގެނެސްފައިވާ ބަދަލުގެ ވާހަކަ ދައްކާފައެވެ. ގިނަކުޅުންތެރިންގެ ޚިޔާލުގެ މައްޗަށް ބިނާކޮއް ޓީމު ރާވާފައިވާ ފޯމޭޝަންގެ ސަބަބުން ކުޅުންތެރިންގެ މޮޅުކުޅުން ވަނީ އެންމެހާ ބެލުންތެރިންނަށް ދައްކާލާފައެވެ.
މިމެޗުގައި ލަންދޫ ޓީމަށް ލަނޑުތައް ކާމިޔާބު ކޮއްދިން ކުޅުންތެރިންނަކީ

1. އަބްދުﷲ ނާޝިދު (ނާއްޕޭ) 2 ލަނޑު
2. އަހުމަދު ރަޝީދު (ލައިބު) 1 ލަނޑު
3. އަބްދުﷲ ޝިހާމް (ސީޓޭ) 1 ލަނޑު
4. މުހައްމަދު ނަސީމު (ޓިން) 1 ލަނޑު
5. އަހުމަދު ޝަކީލް 1 ލަނޑު
މިނަތީޖާގެ ސަބަބުން މިއަހަރުގެ އެންމެ ގިނަ ލަނޑު ޖެހި ކުޅުންތެރިންގެ ލިސްޓްގެ 1 ވަނާއިގައި އުޅެނީ އެއްބަނޑު އެއްބަފާ ދެބެން ކަމުގައިވާ އަބްދުﷲ ނާޝިދު (ނާއްޕޭ) އާއި އަހުމަދު ރަޝީދު (ލައިބު) އެވެ. މިއިން ކޮންމެ ކުޅުންތެރިއަކުވެސް ވަނީ 2 ލަނޑު ޖަހާފައެވެ.