ނ.އަތޮޅުގައި ދެވަނަ އަށް ރަޖިސްޓްރީ ކުރެވުނު އޮންލައިން ނޫސްކަމަށްވާ ލަންދޫއިންފޯގެ އެވޯޑް ދިނުމުގެ ރަސްމިއްޔާތު ރޭ 9:00ގައި ލަންދޫ ސްކޫލްގައި ބާއްވައިފިއެވެ. މިހަފްލާގައި އެވޯޑް ދެވުނު ދާއިރާތަކުގެ ތެރޭގައި ހިލޭސާބަހަށް މަސައްކަތް ކުރުމުގެ ދާއިރާއިންދޭ އެވޯޑާއި އާންމު ޚިދުމަތުގެ އެވޯޑާއި ލަންދޫގައި ހުރި އަހަރުގެ އެންމެ މޮޅު ފުޓްބޯޅަ ކުޅުންތެރިޔާގެ އެވޯޑެވެ.

އެގޮތުން ހިލޭސާބަހަށް މަސައްކަތް ކުރުުމުގެ ދާއިރާއިން ހޮވި އެވޯޑް ލިބުނީ ނ.ލަންދޫ ގުލްބަކާގެ އިބްރާހިމް ދާޢޫދު އަށެވެ. އޭނާ މިއެވޯޑަށް ނޮމިނޭޓް ވެފައިވަނީ ހިލޭސާބަހަށް ބޯކޮށައި ދިނުމުގެ ދާއިރާއިންނެވެ.

އާންމު ޚިދުމަތުގެ އެވޯޑަށް ލިބުނީ ނ.ލަންދޫ ކީރަންމާގެ ހަސަން ޔޫސުފަށެވެ. އޭނާ މިއެވޯޑަށް ނޮމިނޭޓް ވެފައިވަނީ އަމިއްލައަށް ފެނިގެން ރަށުގެ ސާފުތާހިރު ކަމަށް ކުރަމުންދާ ބުރަމަސައްކަތް ތަކުގެ ސަބަބުންނެވެ.

ލަންދޫ އިންފޯގެ އެންމެ ޙާއްޞަ އެވޯޑް ކަމަށްވާ އަހަރުގެ މޮޅުކުޅުންތެރިޔާގެ އެވޯޑަށް 4 ކުޅުންތެރިން ވަނީ ނޮމިނޭޓް ވެފައެވެ. އެއި މުހައްމަދު ސަމާހް (ސަމައްޓޭ) އާއި ނައުޝާދު އ.ރަހީމް (ނާގެ) އާއި ހުސެއިން ޖަވާދު (ޖަވާ) އަދި އަހުމަދު ރަޝީދު (ލައިބް) އެވެ. މިހަތަރު ކުޅުންތެރިންގެތެރެއިން އެންމެ މޮޅު ކުޅުންތެރިޔާއަށް ހޮވުނީ ނ.ލަންދޫ ވިނަރެސް ނައުޝާދު އ.ރަހީމް (ނާގޭ) އެވެ.

މިއެވޯޑް ދިނުމުގެ ރަސްމިއްޔާތަށް ނ.މަނަދޫ ހުރި ސަރުކާރުގެ ބައެއް މުއައްސަސާތަކުގެ ވެރިން ވަނީ ވަޑައިގެންފައެވެ.

އަންނަ އަހަރު އިތުރު ދައިރާތަކަކުން އައު އެވޯޑްތަކެއް ހޮވުމަށް ގަސްތުކުރާކަމަށް ލަންދޫ އިންފޯ ޓީމުންވަނި އިޢުލާންކޮއްފައވެ. އޭގެ ތެރޭގައި އަހަރުގެ ގިނަގޯލް ޖެހިކުޅުންތެރިޔާގެ އެވޯޑް ފަހަގަ ކޮއްލެވެއެވެ.